Ish-konkurrentja e reality-showt “The Bachelor”, Cassie Randolph ka folur rreth orientimit seksual të ish të dashurit të saj, Colton Underwood. Ajo ka zbuluar se ish i dashuri i saj nuk i kishte thënë të vërtetën e orientimit të tij seksual deri sa lajmi u bë publik në rrjet.
“E kam zbuluar në të njëjtën mënyrë si të gjithë të tjerët. Unë isha në Meksikë me pushime me miqtë, gjë që ishte e mrekullueshme të isha larg, por po, e mora vesh përmes Snapchat në ‘GMA’. Ishte e tmerrshme. Ishte thjesht një lloj gjëje tronditëse.”, tha Randolph në episodin në podcastin “Off the Vine with Kaitlyn Bristowe”
E pyetur për pasojat e marrëdhënies, Randolph pranoi se ishte “me të vërtetë e vështirë” për të që të fliste hapur në lidhje me këtë çështje.
“Është vërtet e vështirë për mua të flas për të apo edhe të di gjënë e duhur për të thënë kur e trajtoj atë. Ndjej shumë presion kur më pyesin për këtë. Do të doja të jem e hapur dhe e sinqertë për gjërat, por thjesht nuk jam ende aty dhe jam e sigurt se një ditë do të doja të flas për të, sepse ka shumë gjëra për të thënë.”, tha ajo.
Randolph nxori një urdhër ndalimi kundër Underwood-it në shtator të vitit 2020, për përndjekje dhe ngacmim.
Underwood më pas tronditi Bachelor Nation kur doli si homoseksual në prill 2021. Në atë kohë, ai i kërkoi falje publike ish-it të tij .
“Do të doja të kërkoja falje për mënyrën se si përfunduan gjërat. U ngatërrova. Kam bërë shumë zgjedhje të këqija,”, tha Underwood në intervistën e tij për “GMA.”
