Presidenti Ilir Meta, me anë të një postimi në rrjetet sociale, kujton Sekretaren Amerikane të Shtetit, tashmë të ndjerë, Madeleine Albright.
Meta shprehet se Shqipëria e shqiptarët janë mirënjohës ndaj përkushtimit të sinqertë dhe energjik të saj.
Kreu i Shtetit vlerëson se Albright ka bërë një punë mjaft të madhe në interes të shtimit të miqësisë mes popullit shqiptar e atij amerikan.
Postimi i presidentit Ilir Meta:
Përherë mirënjohës përkushtimit të sinqertë dhe energjik të Sekretares së Shtetit, Madeleine Albright për forcimin e marrëdhënieve strategjike Shqipëri-SHBA, në të mirë të interesit të përbashkët të dy popujve tanë miq.
Do ta kujtojmë gjithmonë për rolin dhe kontributin e madh të dhënë për Çlirimin e Kosovës, veçanërisht sot, kur mbushen 23 vite, nga dita kur SHBA dhe NATO vendosën të ndërhyjnë për t’i dhënë fund gjenocidit dhe spastrimit etnik në Kosovë.
