Artistja e famshme Miley Cyrus dhe ekuipazhi i saj janë mirë dhe të sigurt pasi avioni me të cilin po shkonin në Paraguai për një koncert u godit nga rrufeja dhe u detyrua të bënte një ulje emergjente.
“Për fansat e mi dhe të gjithë të shqetësuar pasi dëgjuan për fluturimin tim në Asuncion. Avioni tonë e zuri një stuhi e madhe e papritur dhe u godit nga rrufeja.
Ekuipazhi im, grupi, miqtë dhe familja ime që të gjithë udhëtonin me mua janë të sigurt pas një ulje emergjente. Fatkeqësisht nuk mundëm të fluturonim në Paraguaj. Ju dua”, shkroi Cyrus në një postim në rrjete sociale.
Krahas mbishkrimit të saj, këngëtarja postoi video dhe foto të dëmtimit të avionit të saj të shkaktuar nga rrufeja.
Vetëm disa orë para ngjarjes së frikshme, ylli 29-vjeçar performoi në Bogota të Kolumbisë.
View this post on Instagram
