Në mbledhjen e parë të Kryesisë së Partisë Demokratike, pas largimit të Lulzim Bashës, u kërkua me forcë nga të gjithë bashkimi i demokratëve. Deputeti Helidon Bushati tha se kjo gjë nuk duhet të jetë vetëm retorikë, por duhen akte konkrete.
Ai propozoi edhe hedhjen e hapit të parë që do të jetë kthimi i godinës në normalitet, duke e zhveshur atë nga fortifikimi.
Deklarata
Helidon Bushati: Bashkimi do te duhet te jete kryefjala jone, jo vetem ne retorike por edhe me akte konkrete. Partia Demokratike e ka jetike rikthimin ne nje debat konstruktiv ne nje bashkepunim te te gjith flukseve.
Si sinjal te pare une propozoi dhe do deshiroja qe ti kthehet normaliteti godines, ta zhveshim nga fortifikimi edhe si sinjal te pare te rikthimit ne normalitet.
Vetem e bashkur do te mund te jemi te forte dhe garues. Nuk kemi asnje minut kohe per te humbur, zgjedhjet jane shume afer. Prandaj te gjithe ne do duhet te japim kontribut per bashkimin e kesaj force politike, do duhet te tregojme pjekuri.
