Një 30-vjeçar i shpallur në kërkim nga autoritetet italiane është arrestuar nga Policia e Lushnjës pasi akuzohet për disa vepra penale si “Rrëmbim personi” “Vjedhje me armë” dhe “Armëmbajtje pa leje”.
Specialistët për Hetimin e Krimeve në Komisariatin e Policisë Lushnje ndaluan shtetasin e shpallur në kërkim:
-Aldo Gorreja, banues në Divjakë.
Ndalimi i këtij shtetasi u bë pasi Gjykata e Rrethit Gjyqësor Lushnje, me Vendim e datës 03.02.2017, ka caktuar masën e sigurisë “Arrest në burg”, pasi Gjykata e Frosinone Itali, më datë 13.01.2012, e ka dënuar këtë shtetas për veprat penale “Vjedhje me armë”, “Armëmbajtje pa leje” dhe “Rrëmbim personi”.
