Ardian Bujupi ka përfunduar në kanalin zyrtar të klubit më të madh gjerman të futbollit, Bajern Mynih.
Me zhvillimin e madh të mediave sociale, edhe skuadrat e futbollit janë bërë pjesë e tyre duke ndërvepruar me tifozët e tyre. Një nga metodat që gjashtë herë fituesit e Champions League kanë gjetur së fundmi është dërgimi i videove nga fansat ku realizojnë penallti në mënyrë që yjet e skuadrës t’i ‘kopjojnë’.
Sfida virtuale mban emrin “Kopjo penalltinë” dhe dy futbollistët që kanë kopjuar penalltinë e këngëtarit shqiptar janë Xhoshua Kimish dhe Serzh Gnabri. Në videon e YouTube, Ardiani prezantohet si artist teksa vlen të theksohet se ai jeton në Gjermani dhe është shumë i njohur në tregun vendas, sikurse në atë shqiptar.
