Edhe pse temperaturat janë relativisht të ulëta, në Kukës është shënuar një vatër e zjarrit.
Një vatër e madhe zjarri ka rënë paraditen e kësaj të hëne në njësinë administrative Malzi të Kukësit. Zjarri është shfaqur në zonën e quajtur Shtane në një sipërfaqe pyjore me dushk e dëllinja.
Bashkia e Kukësit ndërkaq ka angazhuar tetë efektivë të Shërbimit Zjarrfikës të Bashkisë, ndërsa Shërbimi Pyjor tre efektivë zjarrfikës.
Po punohet për të bërë të mundur shuarjen dhe izolimin e zjarrit që ka rënë në një sipërfaqe të madhe prej 8-10 ha. Për shkak të terrenit mjaft të thyer malor, grupet e punës ecin në këmbë ndërsa operacioni për shuarjen e zjarrit ështe i vështirë.
Erërat e forta janë duke përhapur flakët. Shuarja po bëhet me lopata dhe pompa shpine të shuarjes së zjarrit pasi makina zjarrëfikësee e ka të pamundur futjen në mal.
