Lulzim Basha do të mbledhë Grupin Parlamentar të PD-së pasditen e sotme. Mbledhja pritet të zhvillohet në orën 17:00 në selinë blu.
Në mbledhjen e fundit të zhvilluar para 9 ditëve, shumica e deputetëve i kërkuan Bashës të dorëheqjet nga posti i kryetarit të PD-së.
Kundër qëndrimit të Bashës në krye të PD-së tanimë janë pozicionuar edhe ligjvënës që e mbështesnin para 6 Marsit. Pas zgjedhjeve të pjesshme lokale të 6 marsit, PD e Bashës u rendit forcë e tretë politikë në 5 nga 6 bashki.
I njëjti qëndrim pritet të mbahet edhe gjatë kësaj mbledhje. Burime pranë PD-së nuk përjashtojnë një largim të Bashës nga drejtimi i PD-së, pas presionit të deputetëve.
Po ashtu, sot në PD pritet të mblidhet dhe Kryesia si dhe Kolegji i Kryetarëve.
