Një drejtues mjeti është arrestuar teksa po i ofronte ryshfet punonjësit të policisë për të shmangur masën administrative për parakalim të gabuar.
Shërbimet e Komisaraitit të Policisë Nr 4, kanë arrestuar në flagrancë shtetasin: – D. S., 20 vjeç, banues Tiranë.
Ky shtetas ka qënë në drejtim të automjetit tip “Smart”, kur është konstatuar nga shërbimet e Policisë së Komisariatit Nr 4, duke kryer parakalim të gabuar.
Pasi këtij shtetasi i është komunikuar shkelja e konstatuar, ka tentuar ti japë 1000 lekë të reja punonjësit të Policisë, për ti’u shmangur masës administrative.
Materialet i’u kaluan Prokurorisë pranë Gjykatës së Rrethit Gjyqësor Kavajë, për veprën penale “Korrupsion aktiv ndaj personave që ushtrojnë funksione publike”, parashikuar nga Neni 244 i Kodit Penal.
