Një bandë shqiptare është goditur në Itali, teksa më herët kishte sulmuar me molotov shtëpinë e një adoleshenti italian nga Riccione.
Adoleshenti ishte kthyer në shënjestër të bandës nga Shqipëria, e cila kërkonte gjobë, që i riu italian t’ju jepte atyre para, shkruajnë mediat e vendit fqinj.
Në mbrëmjen e 14 marsit 2015, një grup shqiptarësh hodhën bomba molotov në derën e përparme të shtëpisë së italianit. Pas hetimeve të shumta, pamjeve video, dhe dëshmisë së 16-vjeçarit italian u bë i mundur arrestimi i autorëve.
Edhe persona të tjerë, përfshirë të mitur, kishin rënë pre e dhunës sistematike të dyshuar të bandës shqiptare, për të paguar shuma të mëdha parash.
Pas hetimeve, Prokuroria italiane ka kërkuar 12 vjet burg për personin kryesor të bandës. Ky është dënimi më i madh që u kërkua për një person, përkatësisht për shtetasin nga Shqipëria me inicialet S.P, 30 vjeç, që ishte edhe autori i bombës.
Tetë vjet burg u kërkuan për shtetasin me inicialet S.F me banim në Rimini. Ndërsa për dy vëllezërit 35 dhe 32 vjeç, prokuroria kërkoi dënime më të lehta, ku njëri rrezikon 5 vjet dhe tjetri 2 vjet e 8 muaj burg.
Të premten e ardhshme pritet që të jepet edhe dënimi final për anëtarët e bandës nga Shqipëria, që vinte gjoba në prona të pasurish apo biznese të mëdha.
