“Lulzim Basha kërkoi kohë për tu dorëhequr”, u shpreh deputeti Ervin Salianji lidhur me zhvillimet në Partinë Demokratike.
Në një intervistë për Syri TV, Salianji tha se kërkohet një zgjidhje ku të përfshihen të gjithë, përfshi edhe z. Basha, por tashmë në pozicione të tjera.
“Në mendimin tim, kryetari jep dorëheqjen kur humbet zgjedhjet, ndërsa Basha në 6 mars doli forcë e tretë”, tha Salianji.
I pyetur se çfarë do të bëhet nëse Basha nuk jep dorëheqjen, deputeti duke qeshur tha ” do e helmojmë”.
“Institucionet e partisë, forumet e PD kanë mekanizmat e tyre për të vepruar, në përputhje me statutin e partisë, dhe për të zgjidhur situatën. E rëndësishme është që në situatën aktuale ne të ringremë PD si forcë fituese, të përballemi me regjimin e Edi Ramës dhe të fitojmë. Kjo është ajo që presin demokratët”, tha Salianji.
