Presidenti Bujar Nishani e ka përqafuar zv/kryeministrin Niko Peleshin dhe i ka kërkuar ndjesë për refuzimin që i bëri kërkesës së tij për të marrë pjesë në mbledhjen e sotme të Këshillit të Sigurisë Kombëtare, në emër të kryeministrit Edi Rama, që aktualisht ndodhet në Kosovë.
Burime për Shqiptarja.com thonë se, Nishani madje i ka thënë Peleshit se ky veprim nuk ka të bëjë aspak me të.“Ma bëj hallall. Mos ma merr për keq, po nuk e kisha me ty”.
Kur sot, pak para nisjes së mbledhjes së Këshillit të Sigurisë në Presidencë u betua ministri i ri i Drejtësisë Petrit Vasili, Nishani pati rastin të takonte dhe zv/kryeministrin Niko Peleshi të cilin e mikpriti në këtë ceremoni.
Peleshi i ka buzëqeshur dhe është larguar nga Presidenca rreth ores 11:20 për t’i shpëtuar urdhrit të ndalimit ndaj tij që niste në orën 12:00, moment kur dhe nisi mbledhja e Këshillit të Sigurisë Kombëtare për të shumëkërkuarin Kelmend Balili.
