Deklarata e presidentit të SHBA-Së, Joe Biden për Putin të cilin e quajti ‘kriminel lugte’ janë ofenduese për Rusinë sipas ministrit të Punëve të Brendshme të Serbisë, Aleksandër Vulin.
“Të gjykosh pa gjyq dhe të akuzosh pa aktakuzë tashmë është krim. Ne serbët e dimë më mirë se kushdo se si është kur gjykohesh nga xhelatët. Prandaj, askush nuk ka qenë përgjegjës për agresionin e NATO-s ndaj Republikës Federale të Jugosllavisë. Vendet që vranë ligjin ndërkombëtar në vitin 1999 nuk kanë të drejtë të thirren në ligjin ndërkombëtar në vitin 2022”, tha ministri.
Vulin theksoi gjithashtu se Vladimir Putin është lideri i zgjedhur në mënyrë demokratike i një shteti sovran.
Më herët, një korrespodent i Fox News e pyeti Biden nëse është gati ta emërojë presidentin e Rusisë, Vladimir Putin ‘’kriminel lufte ” ku udhëheqësi amerikan fillimisht tundi kokën negativisht dhe doli nga dhoma, por më vonë u kthye dhe ndryshoi përgjigjen në po.
Shërbimi i Lajmeve Publike raportoi më parë se Dmitry Peskov sekretari i shtypit presidencial i Rusisë të enjten, më 17 mars, gjatë konferencës tradicionale me gazetarët e quajti deklaratën e pafalshme të liderit amerikan, Joe Biden për Presidentin e Federatës Ruse, Vladimir Putin.
