Kryeministri Edi Rama shpesh e përdor shëndetësinë si një flamur suksesi, edhe pse pandemia e Covid-19 tregoi të kundërtën. Shqipëria renditet ndër vendet me vdekshmërinë më të lartë nga pandemia, referuar shifrave të INSTAT, por Rama flet për suksese duke iu referuar fasadave.
Së fundmi, Kryeministri ka reaguar ndaj kritikave që i bëhen sektorit shëndetësor, ku 9 vite më parë premtoi shëndetësinë falas, ndërsa sot e ka kthyer në një prej sektorëve me numrin më të lartë të tenderave dhe koncensioneve abuzive, një pjesë e të cilave ndodhen në duart e prokurorëve të SPAK në fazë hetimesh.
Gjithsesi kjo nuk e pengon Ramën që përmes rrjeteve sociale të publikojë foto mbi investimet e realizuara, por të thumbojë edhe kritikët.
“Kur lexoj disa që shkruajnë sa keq është bërë shëndetësia, them me vete sa mirë që s’u ka rënë rruga për spital pa punë e madhe që shajnë me të dëgjuar😊
Ky është Blloku i ri Operator në Spitalin Rajonal të Shkodrës🤩”, shkruan Rama.
