Ish-kryeministri Sali Berisha, teksa foli për gazsjellësin TAP – investim i nisur gjatë qeverisjes së tij, tha këtë të Enjte se ka vendosur interesin kombëtar para “ofertave përrallore”.
“Kam një mesazh për ata që më shpallën ‘non’ grata për korrupsion: I them mafies së Xhorxh Soros se vetëm për TAP, Berishës i janë ofruar shumat më përrallore që mund ti ofrojë kush, por ai i qëndroi interesave të vendit të tij, interesave europiane”, tha ish-kryeministri në një prononcim për gazetarët.
I pyetur cilat ishin këto oferta, Berisha u përgjigj: “Direkt nga Gazpromi (kompani shtetërore ruse)”.
Berisha kujtoi edhe rolin e qeverisë së tij në ndërtimin e gazsjellësit TAP.
“Sot jam para jush për të përshëndetur një ngjarje të madhe në historinë e Shqipërisë dhe të Eurpës. Gazsjellësi përmes TAP ka transportuar sot 10 bisitë e para të gazit në Itali. Ky është gazsjellësi i Europës pa gazin rus. Është një arritje e madhe për Europën, arritje të cilën Shqipëria dhe qeveria që unë kryesova luajti një rol përcaktuar pas Azerbajxhanit dhe presidentit të atij vendi. Për të pasur të qartë rolin përcaktues të Shqipërisë, mund të ishte TAP vetëm nëse kalonte në territorin e Shqipërisë, ku gazi rus nuk mund të kalonte”, tha Berisha.
Duke iu përgjigjur pyetjeve të gazetarëve, ai mohoi akuzat se qëndron pas protestave për rritjes së çmimeve.
Po ashtu, tha se po “merrem me intensitet të madh për bashkimin e PD”.
