Këto janë momentet kur këngëtarja e njohur shqiptare, Elsa Lila futet në makinën e policisë në San Vitale, Romë.
Arrestimi i Elsa Lilës u bë gjatë mëngjesit të sotëm nga policia italiane, pas një hetimi ndaj një grupi shqiptaro-italian, në lidhje me trafikun e drogës.
Antimafia italiane e akuzon këngëtaren e njohur shqiptare, si njeriu që mbante llogaritë e grupit të trafikut të drogës.
13 persona u arrestuan gjatë operacionit policor, mes tyre edhe ish-boksieri Petrit Bardhi, Arben Zogu dhe disa të tjerë.
Elsa Lila konsiderohej si një prej këngëtareve shqiptare më të sukseshme, edhe pse u largua drejt Italisë, ku jetonte prej vitesh. Ajo tërhoqi vëmendjen kur u bashkua një greve urie të disa prej deputetëve të PS me moton “hap kutitë”, grevë e cila u realizua në disa çadra të vendosura në bulevardin “Dëshmorët e Kombit” përpara Kryeministrisë. Në atë kohë Lila shfaqej në krah të Edi Ramës, dhe shumë prej figurave të PS, si një mbështjeje për kauzën e tyre nga një artiste e njohur.
Elsa Lila është vajza e Eva Vishajt, e cila u vra tragjikisht më datë 23 maj 1997, në aksin e rrugës Tiranë-Elbasan, në kilometrin e 29, ku edhe u gjet e pajetë.
Gjykata e Apelit në Tiranë, në vitin 2013, ka dënuar me 20 vite burg për vrasjen e Eva Vishajt, shtetasin Albenc Agon. Ago u akuzua, gjykua dhe dënua se ka vrarë në vitin 1997 Eva Vishën, ndërsa është dënuar në muajin dhjetor të vitit 2005 në mungesë me 20 vite burg në mungesë, nga Gjykata e Rrethit Gjyqësor Tiranë.
Nga gjykimi rezultoi se vrasja ishte realizuar me armë zjarri dhe pikërisht me një plumb në kokë.
