Robert Lewandowski nuk e ka të qartë ende të ardhmen e tij. Sulmuesi polak nuk e ka vazhduar ende kontratën me Bayern Munichun.
Atij i ka mbetur edhe një vit tjetër kontratë, por ai dëshiron të ketë qartësi rreth së ardhmes.
Përfaqësuesi polak është duke i pritur drejtuesit e klubit për t’i nisur bisedimet. Por, tabloidi gjerman “Bild” shkruan se lojtarit më të mirë në botë, të shpallur nga FIFA, ka nisur t’i humb durimi sa i përket vazhdimit eventual të kontratës.
Dhe, nëse kjo nuk ndodh, atëherë ai mund të shikojë alternativa të tjera.
Natyrisht, mundësitë për veteranin e sulmit nuk do të ishin të pakta pasi atë do ta donte në ekip çdo klub i madh evropian.
