Deputeti Lefetr Gështetja shprehet se 99 % e grupit parlamentar demokrat duan bashkimin e PD, ndërsa apeloi se rruga e vetme për realizimin e këtij procesi mbetet komunikimi.
“Sot PD ësh0të në një situatë të paimagjinueshme nga secili nga ne nga çdo demokrat. S’e kishim menduar se do vijmë deri në këtë pikë ku jemi sot. Faktorët i dimë. Kam qenë i pari që kam hedhur idenë për një zgjidhje. Kërkohet një armëpushim mes palëve.Që demokratët të jenë bashkë kam kërkuar një hap pas nga të gjithë ne. Duke filluar nga kryetari dhe të gjithë ne. Edhe unë jam gati të bëj një hap pas. Të mos vazhdojë më ky sulm qoftë në rrjete sociale qoftë në media”, tha Gështenja në studion e ABC.
Ai tha se një pjesë e mirë e kolegëve të tij deputetë i kërkuan dorëheqjen Lulzim Bashës.
“Është një akt civil që çdonjëri nga ne duhet ta bëjë. Kujtoj mbledhjen e parë të 7 marsit që vinte pas deklaratës së Bashës se nuk kemi humbur asnjë garë. Kjo tingëllon keq te çdo demokrat. Sepse kur ne nuk kemi marrë asnjë bashki si mund ta thuash. Çfarë quajmë fitore atëherë? Humbës jemi. Duhet ta pranojmë. 99% e grupit parlamentar kërkojnë bashkimin e PD. Ky bashkim bëhet duke u ulur dhe duke komunikuar. Duhet të kërkojmë ura komunikimi”, tha ai”, tha ai.
