I ftuar në Task Force në SYRI TV, gazetari Genc Burimi ka komentuar paketën e rezistëncës së Ramës duke e quajtur atë skandaloze.
Burimi e ka quajtur Ramën një mashtrues i cili e etiketon popullin e tij sipas interesit të tij, si në rastin e fundit që e quan popullin ‘pro rus’ vetëm se proteston për të drejtat e tij por kur pritën afganët ishin më të mirët në botë.
Gazetari i është referuar edhe Francës i cila ka alokuar 2 miliard euro për 4 muaj për ti ardhur në ndihmë popullit të saj.
“Skandaloze! Në Francë do ishte bërë një skandal publik. Ky njeri e ka zakon. Kur ngriheshin në PD militantë ‘pro Berishës’ ishin popull huligan, kur ngrihen kundër rritjes së çmimeve janë ‘pro rus’ po a është në terezi ky.
Po sipas tij kur shqiptarët pritën afganët ishin më të mirët në botë tani janë më të këqinj? Po që gënjen që vetëm në Shqipëri bëhet protestë? Sot në orën 12 të natës ngrihen spanjollët në grevë, bllokojnë rrugën kamionët në Spanjë. Në radhë të parë të mos lejohen ofendime të tilla. Nuk i japim llogari fare fare Ramës. Kë censuron ai? Kë mashtron ai që thotë se vetëm ky bënë përpjekje? Në Francë qeveria ka alokuar 2 miliard euro për 4 muaj për qytetarët. Po ashtu edhe Suedia.
Në çdo vend normal është qeveria që mbanë rriskun, që ulë taksat. Në kohë të tilla kur rritet çmimi i naftës qeveria bënë fitime se karburanti ka TVSH dhe shton fitimet është ai që bënë fitime jo populli”, tha Burimi.
