Nga protesta qytetare, e cila ka hyrë në ditën e 6-të para Kryeministrisë, Kryeministrit Edi Rama iu dërgua një mesazh me një afat deri më 18 mars për plotësimin e 3 kërkesave që kanë të bëjnv me përcaktimin e minimumit jetik, heqjen e taksës së qarkullimit dhe pezullimin e përkohshëm të akcizës për karburantet.
Nëse Kryeministri nuk do të plotësojë këto kërkesa, atëherë do të kërkohet dorëheqja e tij dhe e Qeverisë.
“Nuk mund të presim më pafund, i bëj thirrje shqiptarëve kudo ku janë të bashkohemi, pasi ka 32 vjet që i kanë hipur në qafë çdo qytetari dhe askush nuk reagon.
Të reagojmë për të drejtat tona kundër këtyre gjakpirësve. I kërkoj edhe drejtuesve të automjeteve që të mos mërziten kur bllokohen rrugët 1 apo 2 orë, pasi keni 32 vite që po duroni një klasë politike, e cila në zgjedhjet e fundit pati 24 % të votuesve shqiptarë.
Ky 24 % nuk përfaqëson 76 % të shqiptarëve”, tha një prej protestuesve, i cili ishte arrestuar ditët e fundit nga Policia, si pjesëmarrës në protestë.
