Teksa rezistenca e ushtrisë së Ukrainës duke se po mban ende të pathyer Kievin, duket se Rusia po “shfryn” faktin që ka ngecur në vend, duke mos kursyer nga raketat edhe pallatet e banuara.
Të paktën dy persona kanë vdekur dhe tre janë plagosur pasi një raketë ruse goditi një ndërtesë banimi në kryeqytetin ukrainas.
Këshilltari i ministrisë së brendshme të Ukrainës, Anton Gerashchenko, konfirmoi numrat e viktimave pas bombardimeve herët në mëngjesin e së hënës.
Shërbimi Shtetëror i Emergjencave më herët tha se një predhë artilerie ruse kishte goditur një ndërtesë banimi nëntë katëshe dhe kishte dëmtuar disa apartamente.
Ndërkohë, mediat lokale raportojnë se një kullë televizive pranë Rivne në Ukrainën perëndimore është goditur nga një raketë ruse. Nuk dihet nëse ka viktima.
Diku tjetër gjatë natës, katër persona u plagosën gjatë një sulmi me raketa që synonin ndërtesat administrative në fshatin Stavische, në rajonin Zhytomyr.
