Trajneri i Laçit, Mirel Josa, foli pas barazimit në shtëpi ndaj Skënderbeut, ku deklaroi se mbeti i kënaqur për mënyrën se si skuadra e tij u shfaq në fushë kur mbeti me 10 lojtarë. Në prononcimin për “Gol pas Goli”, Josa deklaroi:
Nuk e diskutoj ndeshjen për minutat që mbetëm në inferioritet numerik. Do e kap ndeshjen nga fillimi. Kishim përballë një skuadër të ngjeshur në mbrojtje. 5 lojtarë + 2 mesfushorë të tjerë. E kishin nderuar lojën që ne të na kapnin në kundërsulm. Na lanë krahët që të organizoheshim. Në momentin që kapnim topin për të organizuar me Zikon dhe Roganoviç, nuk ishim të qartë për të formuar diçka.
Duke kaluar loja, tensioni rritet. Nuk mund të them që jam i kënaqur me pikën, por jam i kënaqur kur skuadra mbeti me 1 lojtarë më pak. Në ato momente ngulmuan, nuk shkuam shumë me topa të gjatë, dolëm me 4-4-1 ku në sulm ishte vetëm Guindo i shoqëruar nga Mazrekaj.
Nga momenti që ishim me 11 lojtarë duhet të ishim më të qartë dhe të shfrytëzonim Spahiun dhe Ujkën. Nuk u bë kjo gjë. Normalisht që rastet u krijuan. Duhet të jemi më të qetë. Goditëm portën dhe nga distanca. Kemi një falë ngërçi në këto 3 ndeshje. Ishte një ngërç që nuk ishte në të njëjta pozita si me Krujën. Sot skuadra kishte iniciativën e organizimit të lojës.
