Nga Boldnews.al
Erion Veliaj, Kryebashkiak i Tiranës, është “kampion” i propagandës, ndërsa Bashkinë e ka kthyer në një “televizion” të madh, duke punësuar montazhierë, kameramanë, gazetarë e madje edhe regjizorë.
Dhe gjithçka e ka ngritur në funksion jo të interesit publik, por që të shfaqet ai që nuk është në media dhe sytë e qytetarëve.
Madje ka arritur deri atje sa edhe kronikat televizive i përgatit me stafin e tij, të cilat më pas shpërndahen si lajme të televizioneve të ndryshme.
Tashmë që Edi Rama ndodhet përballë mijëra qytetarëve në protestat kundër rritjes së çmimeve, apo Veliaj është identifikuar si shkelësi i madh i ligjit në aferën e inceneratorit të Tiranës, që po hetohet edhe nga SPAK, kryebashkiaku është kujdesur që të tërheqë vëmendjen me organizimin e eventeve.
Sipas dokumenteve që disponon Boldnews.al, Bashkia e Tiranës po synon që këto ditë të organizojë dhjetëra evente, duke synuar që të shuajë një nga protestat më të fuqishme në Shqipëri.
E ndërsa Edi Rama prej ditësh thotë se jemi në luftë dhe duhet të sillemi si në luftë, duke lidhur çdo krizë dhe rritje çmimesh me pushtimin e Ukrainës nga Rusia, duket se Lali Eri jo vetëm nuk është në luftë, pork a luksin të tenderojë 333 mln lekë për evente argëtuese.
Në kulmin e protestave dhe debateve për ngritjen e çmimeve, ku kryeministri Edi Rama ka kërkuar nga qytetarët që të kursejnë, Lali Eri ka hapur një tender të majmë për evente.
Por, nëse Bashkia e Tiranës ka lekë me “bollëk”, përse i harxhon për këto evente?! Përse nuk rimburson familjet në nevojë apo të ndihmojë kë të mundet në këtë situatë të vështirë?
Por, propaganda e Lalit është më e rëndësishme sesa ndihmat për familjet e kryeqytetit. Duke dashur që të dalë në këto evente në televizorë, me një skenë të dekoruar mjaft mirë, Lali do t’u hedhë hi syve shqiptarët se gjithçka shkon më së miri. Por, jo i dashur Lali!
Shqiptarët po varfërohen dita-ditës, po vidhen dita-ditës dhe ajo që bën sera e tij apo e kolegëve të tij, të çfarëdolloj krahu politik, është në kurriz të të gjithëve ne.
Përse duhet kjo shumë në këtë situatë? A e kthen kokën nga Bashkia e Tiranës lartmadhëria e tij, Edi Rama, në tenderat apo punët publike që bën Lali Eri? Nëse për shqiptarët e thjeshtë është shumë e vështirë të nxjerrin muajin, përse duhen këto evente në këtë kohë?
Por, sipas raportimeve, në Tiranë do të performojë edhe Maluma. Sa do e paguajë Bashkia e Tiranës këtë muzikant?! Mos ndoshta kjo shumë do të shkojë për të? Normalisht, në një vend demokratik, të parët e vendit duhet të na informojnë për këto fonde.
Dhe, i pari që duhet ta bëjë është Edi Rama. Ky i fundit para se të shikojë I-Phone e qytetarëve që protestojnë, apo automjetet e atyre që lëvizin, mirë është që ti “tërheqë veshin” Lali Erit i cili në kohë lufte, sikundër e ka përkufizuar Edi Rama, ka luksin që të shpenzojë qindra milionë, ndërkohë që njerëzit ushqehen me lista.
