Qindra qytetarë të revoltuar janë mbledhur nga e gjithë Shqipëria në bulevardin Dëshmorët e Kombit për të protestuar kundër rritjes së çmimeve.
Aktori i njohur i humorit, Irgen Çela ftoi të gjithë personazhet publikë t’i bashkohen kësaj proteste popullore, sepse nuk është politike.
“Kjo është protestë e popullit dhe jo e partive politike. Edhe unë i ftoj të gjithë personazhet se para se të jemi VIP-a jemi qytetarë, jam për të gjithë ata pensionistë që nuk ndezin kaloriferin se i vjen fatura shtrenjtë, apo që nuk futen në market se janë rritur çmimet.
Për të gjithë prindërit e gjyshërit që kanë punuar gjithë jetën e nuk kanë marrë asgjë”, deklaroi ai.
