Deputeti Ervin Salianji tha në emisionin “Zonë e Lirë” se Edi Rama mashtron kur thotë se nuk është rritur çmimi i energjisë elektrike.
Referuar rritjes së çmimeve të produkteve ushqimore, përfshi edhe perimet, Salianji tha se të gjithë atë rritjen e çmimit të energjisë qytetarët po e pagujnë me këtë rritje çmimesh.
“Edi Rama ia ka fatuar bizneseve rritjen e energjisë elektrike, të cilët e marrin nga qytetarët, pasi rrisin çmimet. Ja pra se si na del që Kryeministri gënjen, pasi faturat e eenrgjisë elektrike të bizneseve i ka rritur, por i paguajnë qytetarët.
Ne kemi propozuar uljen e TVSH nga 20 në 6 % për produktet bazë, drafti është në Kuvend, duhet miratuar sa më parë, pasi në këtë mënyrë do të ketë ulje të çmimeve”, tha Salianji.
