Pas të gjitha historive të reperit, Drake, me disa nga këngëtaret më të famshme të momentit, ja ku shfaqet papritur një tjetër flirt, i disa muajve më parë.
Sipas “The Sun”, bazuar në disa burime anonime, Drake dhe Madonna kanë pasur një marrëdhënie të shkurtër në vitin 2015. Bëhet fjalë për periudhën kur të dy këngëtarët u puthën në skenën e festivalit “Coachella”.
“Të gjithë në rrethin e ngushtë të Madonnas e dinin se ajo kishte pasur një histori të shkurtër me Drake në vitin 2015. Dihej që nuk do të zgjaste përgjithmonë, por në atë kohë ishin të dy ‘single’. Mes tyre kishte me të vërtetë një tërheqje të fortë. Për më tepër Drake i ka pikë të dobët femrat më të mëdha në moshë.”, shkruhet në tabloidin e njohur.
Mesa duket lista e Drake ka më shumë emra yjesh nga sa e kishim imagjinuar.
