Fernando Augusto Rodrigues de Araujo është larguar nga skuadra e Partizanit. Lajmi bëhet me dije nga klubi i kuq që përmes një njoftimi, tregon se palët kanë ndërprerë bashkëpunimi.
Siç lajmërohet, është vetë lojtari që ka kërkuar divorcin për arsye personale duke ia komunikuar vendimin drejtuesve të klubit. Në njoftimin për mediet thuhej:
“FK Partizani njofton mbylljen e bashkëpunimit me Fernando Augusto Rodrigues de Araujo. Mbrojtësi i cili u afrua në muajin Janar ka vendosur të ndërpresë aventurën me të kuqtë për arsye personale, vendim të cilin ia ka komunikuar edhe klubit. Palët kanë ndërprerë me mirkuptim marrëveshjen mes tyre duke i dhënë mundësi lojtarit të jetë i lirë”.
28-vjeçari u aktivizua vetëm në një ndeshje me të kuqtë duke luajtur vetëm 46 minuta.
