Ish-nënkryetarja e PD-së Grida Duma, ka kërkuar sërish largimin e Lulzim Bashës si kryetar të Partisë Demokratike.
Duma u shpreh se Basha është pakicë e se nuk e ka mbështetjen e anëtarësisë së Partisë Demokratike.
Grida Duma foli ashpër sërish për aferën në Portin e Durrësit. Ajo më herët ka thënë se Basha nuk ka pasur kurajon që të denoncojë aferën gjatë fushatës elektorale.
“Është ashtu siç është. Ne kemi menduar si grupim dhe shtab elektoral i Durrësit se është jetike që të qartësojmë me transparencë qëndrimin e opozitës për një projekt krejtësisht të mbyllur.
Janë 81 hektarë, që për ne iu janë dhënë disa oligarkëve. Duke qenë projekt i mbyllur, minimalisht afera më e madhe strategjike, dhënia e portit më të madh në vend, duhet që opozita ta bënte transparente, pa penguar zhvillimin, por duke bërë që zhvilimi të shkojë te qytetarët”, tha Duma.
