Kina ka akuzuar NATO-n se ishte shkaku i rritjes së tensioneve mes Rusisë dhe Ukrainës, çka solli edhe konfliktin e armatosur mes dy shteteve.
Në një dalje për mediat, zëdhënësi i ministrisë së Jashtme kineze, Zhao Lijian, u bëri thirrje Shteteve të Bashkuara që t’i merrnin seriozisht shqetësimet e Kinës dhe të shmangnin minimin e të drejtave apo interesave të saj gjatë përpjekjeve për të zgjidhur krizën mes Ukrainës dhe Rusisë, raporton Reuters.
Sanksionet “nuk kanë bazë në të drejtën ndërkombëtare”, tha zëdhënësi i Ministrisë së Jashtme kineze Zhao Lijian.
“Ato vetëm do të shkaktojnë vështirësi serioze për ekonominë dhe jetesën e vendeve në fjalë” dhe “do të përkeqësojnë më tej ndarjen dhe konfliktin”, shtoi ai.
