Gazetari Ylli Rakipi tha mbrëmjen e sotme në “Opinion” se Lulzim Basha nuk ikën si kryetar i PD-së. “Nuk ikën Luli se ai nuk e ka konceptin e humbjes, nuk e njeh humbjen”, tha Rakipi.
Duke komentuar zhvillimet e fundit në PD, Rakipi tha se “Basha nuk mendon politikisht, ne jemi shoqëri primitive, mendojmë ua si iku njëri apo tjetri”.
“PD do të vuajë pasojat. Shikoni partitë e vogla, kanë vetëm kryetarin dhe kjo është një komedi që e kemi ndërtuar edhe ne gazetarët. I mbani mend pamjet e para 25 prillit, kur shkonin kryetarët e këtyre partive pa vota, takonin Bashën, flisnin te dera, dhe në fund dilte fliste Basha. Ja kjo shoqëri jemi ne, e kemi ngritur ne, ndaj mos prisni që Lulzim Basha të ikë nga PD”, tha Rakipi.
Në vijim ai ironizoi edhe bunkerizimin e PD. “Ore ka vendosur dyer që lëvizen nga 3-4 njerëz, dhe nga ajo dera dhe në atë bunkerin që ka kthyer selinë, shkon edhe ambasadorja Yuri Kim”, tha Rakipi.
