Vendi është përfshirë në një situatë të vështirë, ku qytetarët po përballen me çmime të larta që kanë prekur jo vetëm produktet ushqimore, por edhe sektorin e hidrokarbureve si dhe atë të energjisë.
Në këto kushte, aktivistë të shoqërisë civile bëjnë thirrje për protestë. Adriatik Lapaj, avokati i cili shpesh është iniciator i këtyre lëvizjeve rendit një sërë shkaqesh, se pse duhet që qytetarët duhet të dalin në shesh.
Deklarata
Ne jemi ndoshta vendi i vetëm në botë që paguajmë 8 taksa dhe tarifa mbi çmimin e karburanteve!
Në çdo litër naftë që tani ka shkuar rreth 2400 lekë, qeveria mbledh në mënyrë direkte 370 lekë akcizë, 270 lekë taksë qarkullimi, 30 lekë taksë karboni dhe 100 lekë taksë riliçensimi.
Këtyre katër taksave që shkojnë në buxhetin e shtetit u shtohen 3 tarifa të tjera që paguhen për koncesionarët privatë.
Por që në fund i paguajnë qytetarët. Ato janë tarifa e markimit dhe ajo e skanimit, të cilat të dyja bashkë rëndojnë 30 lekë në çdo litër karburant. Dhe tarifa e kontrollit te pompave qe rëndon më tej xhepat e qytetarëve me 20 lekë për litër.
Në fund, mbi 4 taksat shtetërore dhe 3 konçesionarët, shtohet edhe tatimi mbi vlerën e shtuar(TVSH).
TVSH mbi naftën është 20 % e çmimit final, ose rreth 400 lekë për litër. Kjo e çon barrën totale të taksave që ne paguajmë për një litër naftë plot 1218 lekë.
Pra në një litër naftë, që sot në treg shitet rreth 2400 lekë, vlera e naftës është vetëm 1172 lekë(duke futur dhe fitimin bashkë me spekullimin në çmim të kompanive tregtuese), ndërsa 1218 lekë janë taksa, që të gjitha këto rëndojnë xhepat tanë.
E dyta, kush na ndihmon me qendër zeri (foni). Qytetar të angazhuar jemi. Ndihma në logjistikë është e mirëpritur.
