Deputeti Oerd Bylykbashi, përmes një postimi në rrjetet sociale, ka ironizuar Lulzim Bashën, lidhur me qëndrimin që mbajti pas zgjedhjeve të 6 marsit, kur tha se nuk ka humbur asnjë betejë.
“Vetëm në Play Station mund të luash luftash, të vrasësh armiq si palat e fikut, të kërcesh nga taraca në taracë si Tom Cruise, të nxjerrësh armë nga më të rëndat me lehtësinë e një stilografi, dil nga tanku e hip në avion.
Kur humbet, e rifillon luftën. Po deshe, bën pushim dhe e rifillon pas gjumit.
E po të vranë, e fik Play Station dhe TV me nerv, hedh telekomandën në divan.
Askush nuk e mer vesh që humbe, pasi nuk i ke treguar askujt që ti ende luan me Play Station.
Nesër e fillon sërish luftën tënde nga divani, nuk është problem”, shkruan Bylykbashi.
Postimi nga Oerd Bylykbashi
Nuk është ashtu siç duket!
Vetëm në Play Station mund të luash luftash, të vrasësh armiq si palat e fikut, të kërcesh nga taraca në taracë si Tom Cruise, të nxjerrësh armë nga më të rëndat me lehtësinë e një stilografi, dil nga tanku e hip në avion.
Kur humbet, e rifillon luftën. Po deshe, bën pushim dhe e rifillon pas gjumit.
E po të vranë, e fik Play Station dhe TV me nerv, hedh telekomandën në divan.
Askush nuk e mer vesh që humbe, pasi nuk i ke treguar askujt që ti ende luan me Play Station.
Nesër e fillon sërish luftën tënde nga divani, nuk është problem.
Edhe vetë strategu i madh ushtarak kinez Sun Tzu nuk e ka parashikuar në librin e tij të famshëm “Arti i luftës” se si të mund të fitosh një luftë duke mos u futur në luftë, siç “fiton” ti.
E pra ti ke shpikur fitoren më të jashtëzakonshme: i ke mundur të gjithë kundërshtarët e tu, më të djathtë e më të mëngjër, duke bindur zgjedhësit të mos dalin e të votojnë.
Dhe e arrite fitoren, zgjedhësit votuan për ty duke mosvotuar. Vetëm se për të ruajtur sekretin e planit, nuk ua tregove kandidatëve të tu. Të gjorët garuan e dolën ti të fundit. I sakrifikove, po nuk e ke problem se fitorja i do këto sakrifica.
P.S.: A do t’ia heqë kush këtij njeriu Play Station nga shtëpia?
