Në orët e para të mëngjesit të 1 Shkurtit, si pjesë e hetimeve nga Prokurori AntiMafia i Barit dhe nga prokurori publik i Foggia, zyrtarë të Policisë së Foggia kanë ekzekutuar 13 urdhër arreste, mes të cilëve, dy shqiptarë kanë rënë në pranga.
Duke cituar të dhënat nga hetimet, e bëra publike nga Policia, mediat italiane kanë publikuar edhe emrat e shqiptarëve që ranë në pranga.
Ata janë:
Fabio Lame, lindur më 2 Qershor 1991
Roland Lame, lindur më 20 Janar 1969
Mësohet se organizata kriminale e trafikantëve funksiononte kështu: Furnizimin me drogë e bënin shqiptarët në vendlindje dhe më pas në rrugë detare shkonte në Itali. Gjatë hetimeve ka rezultuar se Roland Lame dhe Fabio Lame, përkatësisht babë e bir, kishin lidhje të rëndësishme me trafikantë të ndryshëm shqiptarë, që u siguronin atyre lëndën narkotike, raporton Panorama.
Mediat italiane raportojnë se operacioni i koduar “Coast to coast” u finalizua në Foggia. Hetimet kishin nisur në fillim të vitit 2014, dhe gjatë kësaj kohe, janë sekuestruar në ujërat italiane në bordin e një varke, më shumë se 1,000 kg marijuanë, duke arrestuar edhe dy drejtuesit e varkës që vinin nga bregdeti shqiptar, Ciro Bravo dhe Ismail Sheqi, ky i fundit lindur në Shqipëri, në vitin 1990.
Më tej, në korrik të vitit 2014, është arrestuar me më shumë se 10 kg marijuanë dhe dy pushkë Antonio Frattaruolo, pjesë e të njëjtës bandë kriminale.
