Angelina Jolie ka shkruar në Jemen për të ndihmuar refugjatët. “Të gjithë meritojnë të njëjtën dhembshuri,” deklaroi aktorja duke iu referuar konflikteve të vazhdueshme në Ukrainë dhe Jemen.
Jolie po punon me Agjencinë e Kombeve të Bashkuara për Refugjatët (UNHCR) për të ofruar ndihmë.
“Kam zbritur në Aden, për të takuar familjet e zhvendosura dhe refugjatët e UNHCR-së dhe për të treguar mbështetjen time për popullin e Jemenit”, shkroi Jolie në një postim.
“Ndërsa ne vazhdojmë të shikojmë tmerret që shpalosen në Ukrainë dhe bëjmë thirrje për një fund të menjëhershëm të konfliktit dhe qasjes humanitare, unë jam këtu në Jemen për të mbështetur njerëzit që gjithashtu kanë nevojë dëshpërimisht për paqen. Situata këtu është një nga krizat më të rënda humanitare në botë, me një civil të vrarë ose të plagosur çdo orë në vitin 2022. Një ekonomi e shkatërruar nga lufta dhe mbi 20 milionë Jemenas që varen nga ndihma humanitare për të mbijetuar”, shtoi aktorja.
Jolie e krahasoi krizën e vazhdueshme humanitare të vendit me shkatërrimin aktual në Ukrainë, duke kërkuar dhembshuri për ata që janë prekur nga të dy konfliktet, shkruan People.
“Këtë javë një milion njerëz u detyruan të ikin nga lufta e tmerrshme në Ukrainë. Nëse mësojmë diçka nga kjo situatë tronditëse, është se ne nuk mund të jemi përzgjedhës se kush meriton mbështetje dhe të drejtat e kujt mbrojmë. Të gjithë meritojnë të njëjtën dhembshuri. Jetët e viktimave civile të konfliktit kudo janë me vlerë të barabartë. Pas shtatë vjet lufte, populli i Jemenit gjithashtu ka nevojë për mbrojtje, mbështetje dhe mbi të gjitha për paqe”, tha tute Jolie.
Kujtojmë se që nga viti 2014, Jemeni ka përjetuar një luftë civile, me qeverinë jemenase të udhëhequr nga Abdrabbuh Mansur Hadi dhe lëvizjen Houthi të Këshillit të Lartë Politik që pretendojnë të drejtojnë vendin. Miliona civilë jemenas vazhdojnë të përballen me urinë ndërsa më shumë se 100,000 thuhet se kanë vdekur mes konflikteve.
View this post on Instagram
