Ushtria e Ukrainës ka dalë me informacionet më të fundit nga fronti i luftës, në ditën e 13 të luftimeve.
Sipas asaj që deklaron ushtria e shtetit ukrainas, forcat ruse ndodhen akoma në vend, por se përparimi i tyre është ngadalësuar ndjeshëm.
Shtabi i Përgjithshëm i Forcave të Armatosura të Ukrainës tha se trupat ukrainase po vazhdojnë të mbrohen në sektorët jugorë, lindorë dhe veriorë e se kryeqyteti Kiev e qyteti verior i Çernihivit janë ende në duart e Ukrainës.
Ai shtoi se mbrojtja ajrore e Ukrainës po i zmbraps me sukses sulmet raketore dhe ajrore.
“Pushtuesit janë të demoralizuar dhe shkelin gjithnjë e më shumë rregullat e së drejtës ndërkombëtare humanitare për konfliktin ushtarak”, tha ushtria e Ukrainës.
