Debate tv forta janë regjistruar në mbledhjen e sotme të Grupit Parlamentar të PD, ku të paktën 10 deputetë i kanë kërkuar Lulzim Bashës të largohet dhe ti hapë rrugën bashkimit të demokratëve.
E ndërsa shumë prej ligjvënësve që më parë konsideroheshin si më besnikët ndaj Bashës i kanë kërkuar të mbajë përgjegjësi për humbjen e thellë në zgjedhjet e 6 marsit, ku sigla e PD për herë të parë në 31 vite u rendit e 3-ta në një garë me 3 kandidatë, deputetja Oriola Pampuri i ka dalë në mbrojtje Lulzim Bashës.
Ajo ka deklaruar se nuk duhet ta kërkojmë fajin dhe përgjegjësinë vetëm te Basha.
“Ne e dinim që do dilnim kështu sepse ishin zgjedhje kurth. Normale është të bashkohemi me demokratët në terren. Mos ta kërkojmë përgjegjësinë vetëm te Lulzim Basha. Kemi zgjedhjet e 2023. S’kemi kohë”, mësohet të ketë thënë Pampuri.
