Ish-Kryeministri Sali Berisha e ka cilësuar si fasadë afeksionin e ambasadores Yuri Kim ndaj Lulzim Bashës. Berisha tha se me afeksionin që Kim ka treguar ndaj Bashës i ka shërbyer Edi Ramës.
Berisha tha se nuk ka asgjë personale me diplomaten amerikane, por një gjë nuk i fal “barin që i tregoi shqiptarëve, demokratëve shqiptarë”.
Ish-Kryeministri Berisha deklaroi se qëndrimet ndaj ambasadores amerikane do ti shprehë në përputhje me qëndrimet që ajo do të mbajë.
“Lulzim Basha ka gënjyer deputetët pasi i ka thënë se do e shikoni ju se çfarë do e gjejë Sali Berishën. Çfarë më gjeti mua? Ja nga zgjedhjet kam mbështetjen e 31 % të elektoratit dhe ky ishte një votim real”, tha Berisha në emisionin “Çim Peka Live”.
Berisha tha se tashmë Lulzim Bashën mund ta justifikojë vetëm Jemin Gjana. “Basha organizoi një kongres fasadë ku shumë deputetë refuzuan edhe të flisnin. Basha i kompleksoi deputetët, i tha do e shikoni se çfarë gjërash të tmerrshme do të ndodhin”, tha ai.
