Lufta në Ukrainë shënon ditën e 12 këtë të Hënë.
Më poshtë, po raportojmë zhvillimet kryesore të ditës:
Sipas zyrtarëve ukrainas, raundi i tretë i bisedimeve do të mbahet midis negociatorëve ukrainas dhe rusë nga ora 16:00 me orën lokale të Kievit.
Një plan i ri rus për një armëpushim të përkohshëm në Ukrainë që lejon civilët të hyjnë në korridore të caktuara humanitare është kritikuar – me Britaninë që e quajti palën ruse “cinike përtej besimit”, ndërsa Ukraina e quajti “imorale”.
Sipas propozimit të Moskës, civilëve që ikin nga kryeqyteti i Ukrainës – Kiev, do t’u ofrohet kalim i sigurt në tokën e aleatit të Rusisë, Bjellorusi, ndërsa ata në Kharkiv do të kenë një korridor që të çon në Rusi.
Rrugët e evakuimit nga qytetet e rrethuara të Mariupol dhe Sumy do të çojnë në qytete të tjera të Ukrainës dhe në ato ruse.
Ukraina thotë se forcat ruse po synojnë sulmet ndaj spitaleve, çerdheve, shkollave dhe civilët sulmuar.
Por Rusia mohon të ketë shënjestruar civilët, duke thënë se po kryen një “operacion special ushtarak” kundër “nacionalistëve” dhe “neo-nazistëve” ukrainas.
Qeveria e Federatës Ruse ka miratuar të hënën një listë të shteteve dhe territoreve të huaja që kryejnë veprime armiqësore kundër Rusisë, kompanive dhe qytetarëve të saj sipas agjencisë TASS.Lista e vendeve të konsideruara armiqësore përfshin dhe Shqipërinë. Rusia paralajmëroi se ka vendosur që të marrë masa kundër këtyre shteteve.
