Një grua është plagosur me thikë nga i biri këtë të Hënë në zonën e Institutit, në periferi të kryeqytetit.
Burime zyrtare nga policia bënë me dije se, “në Institut Bujqësor, shtetasi Ajet Lleshi (Sina), banues në Burrel, ka goditur me thikë nënën e tij, shtetasen S. Sina, e cila ndodhet në spital, nën kujdesin e mjekëve”.
Grupi hetimor po punon për kapjen e autorit dhe sqarimin e rrethanave të ngjarjes, shtuan të njëjtat burime pa dhënë të tjera detaje për ngjarjen.
