Moderatorja Einxhel Shkira tregoi në “Wake Up” në Top Channel se familja e ka pritur shumë mirë rikthimin e saj në shtëpi dhe se ishin të lumtur për rrugëtimin e saj brenda shtëpisë më të famshme në Shqipëri.
“Ishin shumë të lumtur. Shumë njerëz më kanë pyetur për mamin, e kam gjetur më mirë se sa e lashë. Ka qenë shumë e lumtur për rrugëtimin tim aty brenda shtëpisë së BB VIP”, tha Shkira.
Moderatorja e njohur zbuloi gjithashtu se nuk ka qenë e vështirë përshtatja me rutinën e saj jashtë shtëpisë së BB VIP, pasi zgjodhi që të qëndronte me njerëz pozitiv.
“Përtej karakterit tim, natyrë e fortë. Nuk më pëlqen të më ik situata nga duart. Dalja dhe qëndrimi afër njerëzve të mi më të dashur, më ka bërë që të ndihem në një rreth pozitiv. Nuk e lashë veten të binte në mes të informacionit të madh. Nuk u izolova, pasi kam dalë në qendra tregtare, lokale dhe klub. Njerëzit me të cilët qëndrova ishte ajo që më ndihmoi psikologjikisht që t’i kthehesha rutinës time. Unë jam Einxhel që isha para se të hyja në BB VIP”, tha Einxhel.
