Para se prokuroria serbe të dorëzonte sot në Gjykatën e Apelit në Colmar të Francës, dosjen me pretendimet për krime lufte për Ramush Haradinajn, i ndaluar më 4 janar mbi bazën e një fletarresti të lëshuar nga Beogradi, ka reaguar vetë ish-kryeministri i Kosovës.
Haradinaj, njëkohësisht kryetar i Aleancës për Ardhmërinë e Kosovës, në një një postim në rrjetet sociale falenderon edhe njëherë të gjithë ata që e kanë mbështetur.
“Më lejoni që edhe njëherë t’iu falënderoj për mbështetjen ndaj meje, të manifestuar gjatë të gjithë këtyre ditëve, si dhe për besimin e palëkundur se gjithçka rreth ndalesës sime, këtë herë ishte politike”, përfundon Haradinaj.
Në një postim në rrjetet sociale avokati i Haradinajt, Arianit Koçi tha: “Lënda e sajuar dhe e motivuar politikisht nga ana e Serbisë, sot i është dorëzuar zotit Haradinaj dhe palës mbrojtëse. Seanca për shqyrtimin e lëndës ekstraduese mbahet në datën 9 Shkurt 2017”, shkruan avokati.
