Jamarbër Malltezi ka mohuar përfshirjen në një konflikt fizik në Durrës, pas raportimeve mediatike se është goditur me grushte pranë një qendre votimi.
Në një deklaratë për gazetarët, Malltezi tregoi se çfarë ka ndodhur, ndërsa akuzoi për prani të policëve bashkiakë të veshur civilë që sipas tij, intimidojnë votuesit.
“Në shkollën ‘Naim Babameto’, ku ka 8 QV nuk ka pasur fare prezencë policie, ndonëse e kërkon ligji. Kemi pasur prezencë të policëve bashkiakë pa uniformë që bënin intimidim të zgjedhësve. I kemi identifikuar, i kemi kërkuar të largohen, e kemi filmuar këtë gjë në mënyrë që të identifikonim paligjshmërinë. Kanë ardhur 20-30 militantë të PS dhe kanë grabitur telefonin. Nuk ka pasur dhunë ndaj meje, ka pasur fjalosje. Ma morën celularin dhe e fshinë. Nuk bëmë denoncim se nuk kishte policë fare, ndoshta më vonë. Policia mund të rrinte jashtë dhe të siguronte që brenda të mos kishte aktivistë. Ma kthyen telefonin, por kishin fshirë videon”, tha Malltezi.
