Nga ana e PD-së së Lulzim Bashës ka patur pretendime për votime familjare në Vorë, bashki për të cilën nga kjo forcë politike është paralajmëruar dhe një kallëzim në SPAK për shkelje gjatë procesit.
Më herët në një deklaratë për mediat, deputetja Jorida Tabaku tha se në Vorë – ku po votohet në mënyrë elektronike – ka pasur votim familjar dhe paralajmëroi publikim të provave.
Më pas, zyra e shtypit pranë Bashës publikoi foto në mbështetje të këtyre pretendimeve.
Lidhur me akuzat, foli dhe kreu i KQZ-së Ilirjan Celibashi, i cili zhvilloi dhe një takim me komisionerët në Vorë. Në përgjigje të interesit të gazetarëve, Celibashi tha pranoi se “Kemi pasur raportime nga përfaqësues të PD”, duke iu referuar votimit familjar.
Por, ai shtoi se nëse një person asistohet për të kuptuar mënyrën e funksionit të votimit, atëherë nuk klasifikohet si votim familjar.
“Lidhi e ndalon votimin familjar, por do verifikuar nëse ka qenë për shkak të moshës apo për shkak të arsyeve shenjtërore, apo kur dikush tjetër ka votuar në vend të tyre”, tha Celibashi.
