Romeo Meçaj, 30 vjeç, mbeti i plagosur mbrëmjen e sotme në Vlorë, si pasojë e një atentati me armë zjarri ndaj tij. Meçaj po parkonte automjetin shumë pranë stadiumit të qytetit, kur ndaj tij u qëllua me breshëri automatike.
Ndërkohë, nga raportimet mësohet se pak pas ngjarjes, në zonën e Ujit të Ftohtë në Vlorë, është gjetur i djegur një automjet, që dyshohet dyshohet se i përket autorëve të atentatit me armë zjarri ndaj të riut.
30-vjeçari Meçaj u qëllua me breshëri kallashnikovi nga persona ende të paidentifikuar teksa ndodhej në një mjet tip Land Rover.
I riu është dërguar për ndihmë mjekësore në Spitalin e Vlorës.
Policia dhe grupi hetimor ndodhen në vendngjarje për të zbardhur shkaqet dhe rrethanat e krimit.
Sakaq, nga autoritetet janë ngritur pika kontrolli për të bërë të mundur kapejn e autorit.
