Banorët e Khersonit në Ukrainë kanë dalë në protesta në rrugë duke kundërshtuar pushtimin rus. Nga pamjet e publikuara në media në media dhe rrjetet sociale, shihen se si civilët përpiqen të ndalojnë automjetet ushtarake me trupat e tyre.
In occupied #Kherson, a man with a #Ukrainian flag get on the #Russian armored personnel carrier. pic.twitter.com/nJTY23WwVQ
— NEXTA (@nexta_tv) March 5, 2022
Khersoni nën ‘kthetrat ruse’
Të Enjten, autoritetet ukrainase njoftuan se pas disa ditë luftimesh të ashpra, rusët morën kontrollin e Khersonit. Kryebashkiaku i qytetit tha se foli me përfaqësuesit e palës ruse dhe u kërkoi atyre të mos qëllonin popullsinë. Ai shtoi gjithashtu se “nuk ka bërë asnjë premtim” në bisedimet me pushtuesin.
Inhabitants of #Kherson protest against #Putin‘s occupiers. pic.twitter.com/purqhaVdzT
— NEXTA (@nexta_tv) March 5, 2022
Ndër të tjera, raportohet se u ra dakord që në qytet të ketë një shtetrrethim, këmbësorët të mund të ecin vetëm ose dyshe, dhe në qytet nuk do të hyjnë mjete të tjera përveç atyre që transportojnë ushqime, ilaçe apo gjëra të tjera të nevojshme.
Informacioni i dhënë nga kryebashkiaku tregoi gjithashtu se nuk ka më një ushtri ukrainase në qytet. Të premten, agjencia e lajmeve “Unian” raportoi se rusët duan të shkojnë më tej dhe të shpallin krijimin e një “republike popullore” në Khersonon, si me në Donetsk po Luhansk.
Banorët rezistojnë
Megjithatë, banorët e qytetit nuk po dorëzohen. Të shtunën, civilë u mblodhën në një tubim kundër pushtuesit rus. Regjistrimet e publikuara online tregojnë turma banorësh në rrugët e qytetit me flamuj ukrainas. Në sfond mund të dëgjohen britma vulgare ndaj rusëve. Një tjetër video tregon sesi banorët me trupat e tyre, të paarmatosur, tentojnë të bllokojnë automjetet e ushtrisë së okupatorit.
Sipas mediave ukrainase, ushtarët rusë po përpiqen të shpërndajnë tubimin.
More footage from #Kherson pic.twitter.com/QJt2TKDuvv
— NEXTA (@nexta_tv) March 5, 2022
Kherson ka një popullsi prej 280,000 banorësh dhe është deri tani qyteti më i madh që ka rënë në duart e forcave ruse. Ndodhet në brigjet e lumit Dnieper, duke u dhënë atyre akses në kanalet kritike që furnizojnë Krimenë me ujë.
