Lulzim Basha nga qyteti i Shkodrës, atje ku garon Xhemal Bushati në siglën e PD, për kryebashkiak në zgjedhjet e 6 marsit, i ka bërë thirrje qytetarëve që tv dalin masivisht në votime dhe të votojnë kandidatin Bushati.
Basha tha se 6 marsi është dita e ndryshimit të madh që presin të gjithë shqiptarët, ndaj me votën e tyre, ato do të sjellin këtë ndryshim duke zgjedhur si Kryebashkiak, Xhemal Bushatin.
Ai ka vlerësuar kandidaturën e Xhemal Bushatit, ndërsa u shpreh se ka vetëm një Parti Demokratike, dhe atë në zgjedhjet e 6 marsit, për Bashkinë e Shkodrës, e përfaqëson numri 3 në fletën e votimit.
“Kam pasur dëshirën për të qenë në këtë qytet. Kam gjetur një Shkodër të rrethuar nga mjerimi, krimi. Këtu gjeta shtigjet ku shkodranët kishin thyer regjimin komunist. Shkodrën e gjeta të rrethuar nga uji, këto 8 vitë nga padrejtesia, varfëria. Por sa herë kam qenë në mesin tuaj, kam parë vendosmëri për mos t’iu dhënë rrethimit dhe rrethuesve, për ta plasaritur murin rrethues me forcën tuaj të bashkimit të zemrave kundër të keqes. Kjo ka bërë që në ditet më të errëta cdo shqiptar ti kthehet nga i vetmi fanar që nuk shuhet kurrë, nga Shkodra.
Në këto zgjedhje këtë të diel, fanarit i keni vënë fytyrën tuaj, atë të qytetarit, familjarit, fytyrën e Xhemal Bushatit, i cili edhe në këtë rrethim ku ndodhemi është bërë zëri juaj, forca juaj për të mos lejuar Shkodrën të bjerë në errësirë. Zonja dhe zotërinj ju ftoj këtë energji të mbledhur ditë pas dite ta derdhni vrullshëm, të gjithë bashkë për të çarë rrethimin e të keqes ti japim Shkodrës tek e nesërmja, te ndryshimi që po vjen, të gjithë masivisht drejt kutive të votimit. Zoti e bekoftë Shkodrën dhe Shqipërinë”, tha Basha.
Kandidati Bushati duke iu drejtuar të pranishmëve tha se koha do e tregojë se ne jemi në rrugën e duhur. “Dora ime do të jetë e shtrirë, zemra ime do të jetë e hapur, pasi vetëm të bashkuar, ne mund të ndërtojmë Shkodrën tonë”, tha Bushati, duke shtuar se “shkodranët nuk kanë frikë, por duhet më shumë shumë bashkim për gjërat që na ndajnë, më shumë guxim, më shumë besim te e nesërmja”.
“Në 6 mars cdo vote mban qëllimin dhe aspiratën tonë të përbashkët, fitoren e Shkodres , Firoren e Partisë Demokratike !
Mirënjohje, dashni dhe përkushtim pafund për JU të gjithë, për Shkodranet e mi, që zgjidhni të jeni krah meje, që zgjidhni Partinë Demokratike të Shqipërisë !
Le ta bëjmë së bashku këtë andërr të bukur që quhet Shkodër.
Më besoni votën tuaj më 6 Mars, votoni Partinë Demokratike, Votoni Xhemal Bushatin”, tha Bushati.
