“Në këtë rrugë që ecën, PS rrezikon që të prekë, në zgjedhjet e qershorit, pozitën e vet më të keqe historike. Ajo rrezikon të mos arrijë dot e vetme numrin 60 të deputetëve”.
Kështu ka deklaruar ish -deputeti, Koço Kokëdhima nga qyteti i Fierit. Në deklaratën e tij Kokëdhima tha se PS -ja rrezikon të humbasë në zgjedhjet e 18 qershorit, pasi sipas tij nuk merr dot as 60 mandate.
“Por edhe pse kjo është e vërtetë, ajo reduktohet e zvogëlohet çdo dy vjet, nënvizoi Kokëdhima.
Sipas tij, “Zgjidhja kërkon që njerëzve t’u thuhet e vërteta, që në parti të flitet hapur, të ketë debat, të dëgjohen të gjithë, jo vetëm kryetari dhe ministrat e tij. Udhëheqja jonë është arrogante, e mbyt debatin, i kërcënon e shantazhon dhe i pushon nga puna ata socialistë e qytetarë që kanë dhe flasin mendime të tjera nga kryetari”.
