Një familje është vrarë në Ukrainë dhe e mbijetuara e vetme është Sofia, njëra nga fëmijët e çiftit.
Veterinari Anton Kudrin dhe Svetlana Zapadynskaya u sulmuan nga rusët. Të vdekur mbetën çifti së bashku me vajzën e tyre 10-vjeçare, Polina. Vajza e tyre e madhe Sofia dhe djali i vogël Semyon u plagosën dhe u lanë në gjendje kritike në spital, pa e ditur se familja e tyre ishte vrarë.
Djali 5-vjeçar nuk mundi t’iu shpëtonte plagëve të marra dhe vdiq në Spitalin e Fëmijëve Okhmatdyt, shkruan Daily Mail.
Sofia, 13 vjeçe , është ende në gjendje kritike në spital, pa ndjenja dhe e pavetëdijshme se e gjithë familja e saj është vrarë.
Polina ishte vajza, që ndërroi jetë disa ditë më parë nga bombardimet ruse dhe fotoja e saj u shpërnda në rrjet, për të dëshmuar barbarinë ruse mbi Ukrainën.
“Emri i saj ishte Polina. Ajo studioi në klasën e 4-të të shkollës në Kiev. Ajo dhe prindërit e saj u qëlluan nga DRG ruse” shkroi nënkryetari i Bashkisë së Kievit, Bondarenko.
