Bardh Spahia, kandidati i “Shtëpisë së Lirisë” për Bashkinë e Shkodrës, u shpreh sot se me 6 mars ndryshimi fillon nga Shkodra.
Spahia tha në një intervistë për ABC se e konsideron garën me seriozitet maksimal deri në numërimin e votës së fundit.
Ai deklaroi se zgjedhjet e 6 Marsit kanë një rëndësi të veçantë pasi nuk janë vetëm lokale, por të një rëndësie kombëtare për situatën në të cilën ndodhet vendi. Ai u shpreh se më 6 Mars ndryshimi fillon nga Shkodra për të vijuar më pas në të gjithë Shqipërinë.
“Unë besoj se po, është krijuar një frymë që synon një ndryshim të madh që fillon nga Shkodra për të vijuar në të gjithë Shqipëri. Ky moment nuk ka vetëm rëndësinë e Bashkisë Shkodër por moment i rëndësishëm për opozitarizmin në të gjithë vendin”, tha ai.
