Gazetarja ukrainase Darina Rebro, në një intervistë me Skype në emisionin Task Force të moderatores Sonila Meço, ka komentuar atë që po ndodh në Ukrainë.
Rebro theksoi se Kievi mbetet prioritet absolut i Putinit, duke shtuar se ajo dhe qytetarët e Ukrainës besojnë tek ushtria ukrainase.
“Qeveria na rekomandon që të mos ndezim dritat. Kievi është prioritet i Putinit. Ne i besojmë ushtrisë sonë. Qytetarët ukrainas e dinë se ku duhet që të strehohen. Ushtria ruse ka tetë vjet që është në lindje të Ukrainës, ne e dinim se diçka mund të kishte, por askush nuk e dinte se do ishte ndërhyrje kaq e madhe.
Kjo është strategji shumë e gabuar e ndjekur nga Vladimir Putini. Kanë humbur jetën edhe fëmijë, edhe një fëmijë po të humbasë jetën do ishte shumë, sepse çdo jetë ka rëndësi. Rusia po manipulon ngjarjet, Ukraina është duke u sulmuar dhe unë po e mbështes Ukrainën, qoftë edhe në betejën e informacionit”, u shpreh Rebro.
